飛閱文學地景Ⅵ Ep 11 曾文溪个歌聲 江昀
曾文溪个歌聲 江昀 係麼儕在這恬靜个月夜彈唱 一波一波對遠遠个暗夜傳來 一首鄒族《Homeyaya》个歌聲 對這隻山頭映過該隻山 聽著曾文溪對山頂一路唱下來 唱出阿里山風雲湧起个聲勢 唱出鄒族少年英雄大膽个打獵過程 算來係奈位傳來个歌聲 分 聽著鷂婆摎大頭鰱打嘴古 青銅製个鈴琅仔摎總統魚喊醒 好搞水个鴨仔在曾文溪脣泅來泅去 一幅闊闊嘉南平洋物產豐富个景象 一首《Homeyaya》个歌聲 分 聽到毋記得睡目 一條山歌唱過138公里遠 在鑼鼓鬧天个七股出海 曾文溪唱出流動个歌聲水影 一生人在吾个耳公頭回響 感謝 協助拍攝 嘉南農田水利會 曾文育樂中心 烏山頭水庫 大埔山莊 歌曲提供 財團法人東元科技文教基金會 (塔山之歌-來吉古謠傳唱隊) 《本節目所拍攝文學地景，係考量作品意境進行選擇，拍攝地點不限作品內容本身，必要時輔以其他文學地景進行輔助拍攝》 【飛閱文學地景播出時間】： 民視新聞台 每週六 16:56 民視無線台 每週六 晚間新聞時段
View on YouTube
沒有留言:
張貼留言