台視台語新聞逐工一字 介紹「貯」（té/tué、thú）
2019.4.15台語文千萬字，逐工欲和逐家伙來捌一字。 今仔日欲來共逐家紹介這字「貯」（té/tué）， 文音是「thú」。 貯代表共物仔，囥入去一塊碗、一塊杯仔， 一跤橐仔（lok-á），抑是囥入去一跤桶仔， 像：貯湯、貯飯、貯糜、貯貨…。 （The meaning of this word is that To pack things in containers.Put things in a bowl， a cup， a bag， or put it in a bucket， Like: soup， rice， porridge， and loading.） 《說文》貯：「積也，从貝宁聲」， 《廣韻‧語韻》「貯，居也，積也，丁呂切」， 當讀 tí/tú/tír，這是文讀音。 白讀音唸成té/tué/teré， 比較對「宁」的字唸做-e/-ue/-ere 韻母的平行演變 有「苧」字，音 tē/tuē/terē， 另外，如「梳」、「疏」、「蔬」、「初」， 韻母都是-e/-ue/-ere，會使認定「貯」是本字。 做伙來介紹二个詞： 頭一个詞：貯飯（té/tué-pn̄g）， 表示共飯，囥入去碗咧。 第二个詞：烏矸仔貯豆油。 （Oo kan-á té tāu-iû.）， 表示看袂出的意思。 咱會當用一句話來舉例，譬論講： 人講瘦田㐎9;欶水。看伊瘦猴仔瘦猴， 飯一直共貯，伊就一直食， 真正是烏矸仔貯豆油，看袂出來。 參考資料：教育部臺灣閩南語常用詞辭典 http://bit.ly/2UDv8KY #逐工一字 #每日一字 #貯台語 #台視台語新聞 #台視台語主播郭于中
View on YouTube
沒有留言:
張貼留言