台視台語新聞逐工一字 介紹「茈」（tsínn）
台語文千萬字，逐工欲和逐家伙來捌一字。 今仔日欲來共逐家紹介這字「茈」（tsínn）， 茈的意思代表較幼、猶未成熟、猶未到分的。 像：茈薑； 嘛會使講一个人年紀較輕， 較少年，像：伊的年歲較茈； 另外閣一个意思， 就是講人因為上少年，較無經驗， 像：伊猶閣傷茈。 （The meaning of this word means that it is relatively tender and has no mature meaning. For example: tender ginger; can also describe a person's age is relatively light， Younger; another meaning is to describe a person because he is too young and relatively inexperienced.） 《廣韻》，「茈」的音讀是「將此切」， 意思是「茈薑又茈草也。」 另外，《廈門音新字典》、《彙音寶鑑》、 《臺灣話大詞典》、《臺灣閩南語辭典》、 《閩南語漳腔辭典》攏寫「茈」。 《台日大辭典》、《國語閩南語對照常用辭典》、 《分類台語小辭典》）寫做「嫩」； 《廈門方言辭典》、《閩南方言大辭典》 寫「子」。 「嫩」（lūn）是義同音異的訓用字， 「子」 （tsí）意義上有「幼」或「嫩」的引申， 音讀 tsí ，定定佮「薑 kiunn」合用， 「薑」鼻化韻的影響，嘛有鼻化音， 「子」嘛是合理用字。 「子」已經是多音、多義的字， 民間有人用轉注的造字法， 在「子」字上加上草字頭， 變「芓薑」（tsínn-kiunn）， 這幾年，用「茈」的文獻愈來愈濟， 教典用做推薦用字。 做伙來介紹二个詞： 頭一个詞：茈薑（tsínn-kiunn）， 代表較青、較幼的薑。 第二个詞： 魚趁青，人趁茈。 （Hî thàn tshenn/tshinn， lâng thàn tsínn.） 嘛有人講花趁紅、人趁， 意思就是愛把握著時的時機 咱會當用一句話來舉例，譬論講： 人講：「魚趁青、人趁茈。」 媽媽買菜嘛把握這个原則， 攏買上青的青菜， 和揀薑嘛一定揀茈薑。 參考資料：教育部臺灣閩南語常用詞辭典 http://bit.ly/2vXNUxU #逐工一字 #每日一字 #台語 #台視台語新聞 #台視台語主播郭于中 #台語每日一字
View on YouTube
沒有留言:
張貼留言