台視台語新聞逐工一字 介紹「捀」（phâng）
台語文千萬字，逐工欲和逐家伙來捌一字。 今仔日欲來共逐家紹介這字「捀」（phâng）， 捀的意思，就是用雙手提物件，像捀茶、捀菜、 捀碗公、捀面桶水、去捀麵來食、捀飯、 規手捀、捀人的飯碗…。 （The meaning of this word means that with both hands， things like end tea， end dishes， End bowl， water， end food， rice...） 臺語共「端」講「phâng」， 教育部推薦用字是「捀」， 據《廣韻》，「捀」的反切是「符容切」。 《說文》：「捀，奉也。」 「奉」有「拱捧」的意思。 《韓非子‧和氏》：「楚人和氏得玉璞楚山中， 奉而獻之厲王。」 「捀」無論是音讀抑是意義， 攏佮臺語的「phâng」符合。 手字爿表示手部的動作， 「捀」的聲符佮「蜂」聲符相， 另外「捧」，臺語發音是phóng， 意思是用雙手對下跤提物件。 文獻有共「捧」當做phâng 的用字， 毋過兩个意思無。 做伙來介紹二个詞： 頭一个詞：捀茶（phâng-tê）， 代表用雙手提茶杯仔， 奉茶的意思。 第二个詞：捀場（phâng-tiûnn）， 代表鬥贊聲，鬥奧援。 咱會當用一句話來舉例，譬論講： 阿中的店新開幕，親情五十攏來共伊鬥捀場， 阿中趕緊捀茶來請逐家，場面實在有夠鬧熱。 參考資料：教育部臺灣閩南語常用詞辭典 http://bit.ly/2GNhNG6 #逐工一字 #每日一字 #台語 #台視台語新聞 #台視台語主播郭于中 #台語每日一字
View on YouTube
沒有留言:
張貼留言